Kryeministri Edi Rama ka zbuluar revolucionin e ri digjital në Kadastër, ku sipas kreut të shtetit, brenda këtij mandati kjo nismë do të zgjidhë hallet e qytetarëve.
“Denonco Kadastrën” do të jetë dritarja më e re e shërbimeve që do të lidhë në kohë reale çdo ankues me ministrin e Drejtësisë dhe Rrjetin Antikorrupsion.
“Revolucioni Digjital i Kadastrës, që brenda këtij mandati do të zgjidhë më në fund hallet e qytetarëve me këtë shërbim, falë përfundimit të inventarizimit digjital të pronave dhe mbylljes definitive të sporteleve, duhet të shoqërohet në ndërkohë me rritjen e presionit Antikorrupsion mbi Kadastrën.
Dritarja e re “Denonco Kadastrën” tek Shqiperiaqeduam.al do të lidhë në kohë reale çdo ankues me ministrin e Drejtësisë dhe Rrjetin Antikorrupsion të Ministrisë së Drejtësisë”, shkruan Rama në Facebook.
Akuzat për funksionim e drejtorive të Kadastrës në zona të ndryshme të vendit kanë qenë të shumta, ku herë pas here qytetarët denoncojnë padrejtësitë që iu bëhen në shërbime.
