“Do t’iu sh***** r***”/ Xhovana Nikolli publikon audion: Ja si më kërcënoi Nuredin Dumani, SPAK po e mbron

Xhovana Nikolli, e dashura e Amarildo Nikolli (Xhanej) i cili ndodhet në burg i akuzuar si vrasës me pagesë, ka akuzuar sërish Nuredin Dumanin.

Ajo ka postuar në rrjetet sociale mesazhet kërcënuese, të cilat thotë se i ka marrë nga “pentito” i drejtësisë.

Në rrjetin e saj social “TikTok”, përpos një “screenshoti” të një bisede, Xhovana ka postuar dhe një material zanor, zëri i të cilit pretendon se është i Nuredin Dumanit, i cili shan e kërcënon të renë.

“Do t’iu sh***** r***, o motërq***”, dëgjohet të thotë Dumani ndër të tjera, teksa e motra e Xhovanës, Alda Nikolli, ia kthen: Çfarë do bësh ti, çfarë?

Giovanna dhe motra e saj, Alda ndodheshin së bashku në banesën në Elbasan ku ndodhi shpërthimi mëngjesin e së dielës, 14 korrik.

Pas kësaj ngjarje, ajo akuzoi drejtpërdrejt Nuredin Dumanin, si autorin e vendosjes së tritolit në banesën me qira ku mbeti i plagosur rëndë një fqinj 26-vjeçar.

@giovanna_nikolli #fy #viral #foryou ♬ suono originale – Giovanna🐍

Nga ana tjetër, as policia e as prokuroria nuk kanë ngritur akuzë ndaj Dumanit lidhur me rastin, pavarësisht akuzave të Nikollit.

Në postimin në rrjetin social, Nikolli thotë se materiali zanor është depozituar edhe në Prokurorinë e Posaçme, por akuzon se “SPAK fshiu faktet për të mbrojtur Dumanit, të cilit i referohet si “vrasës, përdhunues dhe kriminel”.

Lexo edhe:

Xhovana Nikolli vijon akuzat ndaj Nuredin Dumanit: Vijon jep urdhra nga burgu, ku do shkojë ky shtet?!