Kryeministri Edi Rama vazhdon me premtime “boshe”. Në një takim me përfaqësuesit e peshkimit në Durrës i ndjekur nga shërbyesit e tij të propagandës, ai ka shtrënguar duart me njërin prej tyre dhe i ka premtuar se do t’i çojë në Senegal që të takohen me presidentin e këtij vendi, meqë duan të peshkojnë atje.
Mes gjithë problemeve që shteti aktualisht ndodhet, mes të cilave dhe kriza energjetike që do të prekë vendin tonë, kryeministri zgjedh të merret me peshkimin në Durrës, ku u bën premtime boshe përfaqësueseve të këtij sektori.
“Dëgjo këtu tashi. Maje men fjalën time, vetëm prej jush. Bëni delegacionin dhe do shkojmë në Senegal dhe do bëjmë marrëveshje atje që të hapni Senegali-Gana. Dakord? Bëni delegacionin, do shkojmë në Senegal, do takojmë presidentin e Senegalit. Do diskutojmë që të hapet një koridor për ju që të peshkoni atje, meqë doni të sulmoni deri në Senegal. Edhe për Libinë, do e hap unë kanalin. Dorën këtu”, u shpreh Rama, gjatë një takimi me peshkatarët.
Discussion about this post