Një 56-vjeçar është shpallur në kërkim ditën e sotme pasi akuzohet për veprën penale “Kanosja për të mos kallëzuar”. Sipas policisë bëhet me dije se në komisariatin e policisë Tepelenë ka bërë kallëzim shtetasja me inicialet M. M., se në datën 02.06.2022, në Tepelenë, një shtetas i paidentifikuar e ka kanosur për të mos marrë pjesë në seancat gjyqësore që zhvillohen për vrasjen e bashkëshortit të saj, ngjarje që i përket vitit 1997.
Lidhur me ngjarjen bëhet e ditur se menjëherë pas marrjes së kallëzimit, shërbimet e komisariatit të Policisë Tepelenë, pas një pune të mirorganizuar hetimore, bënë të mundur identifikimin dhe shpalljen në kërkim të shtetasit V. Ll., 56 vjeç, banues në Fier. Së fundmi, mësohet se vijon ende puna intensive për kapjen e tij.
“Kanosi një shtetase, për të mos kallëzuar në seancat gjyqësore, identifikohet dhe shpallet në kërkim 56-vjeçari.
Menjëherë pas marrjes së kallëzimit, shërbimet e Komisariatit të Policisë Tepelenë, pas një pune të mirorganizuar hetimore, bënë të mundur identifikimin dhe shpalljen në kërkim të shtetasit V. Ll., 56 vjeç, banues në Fier. Vijon puna intensive për kapjen e tij.
Materialet i kaluan Prokurorisë pranë Gjykatës së Shkallës së Parë Gjirokastër, për veprën penale Kanosja për të mos kallëzuar.”
Discussion about this post