Dy të rinj nga Turqia janë arrestuar në aeroportin e Rinasit, për shkak se akuzohen për falsifikim dokumentesh.
Të arrestuarit janë O. C, 27 vjeç dhe M. D, 28 vjeç. Sipas policisë ata u ndaluan pasi gjatë verifikimeve, pasaportat e tyre kanë rezultuar të falsifikuar. Ata ishin nisur për në Genevë të Zvicrës.
“Në vijim të veprimeve, u arrestuan në flagrancë shtetasit O. C, 27 vjeç dhe M. D, 28 vjeç, për veprën penale “Falsifikimit të letërnjoftimeve, të pasaportave ose të vizave” dhe materialet i kaluan Prokurorisë së Rrethit Gjyqësor Tiranë, për veprime të mëtejshme”- thuhet në njoftimin e policisë.
