Kreu i Sindikatës së Pedagogëve Sandër Kovaçi ka paralajmëruar se protestat dhe bojkoti i pjesshëm do vijojnë dhe mund të shkohet dhe në bojkot të sezonit të provimeve nëse deri në muajin shkurt nuk ka reagim nga qeveria për plotësimin e kërkesave të tyre.
Sipas Kovaçit, ka pasur presione të jashtëzakonshme ndaj Sindikata vendosi vijimin e mësimit paralelisht me protestat që nuk do ndalen. Protesta e radhës është lajmëruar për në datën 8 nëntor.
“Ky qëndrim e heshtje provokoi protesta e bojkot, paralajmërim për grevë urie. Ndodhur përballë kësaj situate sindikata e interesuar për normalizimin e jetës akademike vendos vazhdimin e protestave në të gjitha format deri në zgjidhjen e kërkesave por duke pezulluar përkohësisht bojkotin e procesit mësimor. Protesta kombëtare e radhës nesër 8 nëntor ora 11:00. Nuk është tërheqje nga bojkoti por ka mendim të gjerë që duhet të vijojë procesi i ezaurimit të të gjitha etapave. Vendosmëria e atyre që do hynin në grevë u ballafaqua me një presion të jashtëzakonshëm ndaj një pjese të tyre ndaj sindikata vendosi ta pezullojë përkohësisht. Presioni ka nisur që nga kryeministri me intimidime. Dua të denoncoj që maksimumi 3 universitete kanë premtuar se do miratojnë 8%. Bojkoti i sezonit të provimeve është artikuluar, është një variant i mundshëm bojkotimi i provimeve të shkurtit nëse deri në shkurt qeveria nuk realizon kërkesat tona”, tha Kovaçi për mediat.
Discussion about this post