Antonio Leka, 36-vjeçari që është vënë në pranga këtë mbrëmje në Lezhë rezulton të jetë djali i një oficerje ushtrie, Davë Leka. Në momentin që Policia e Shtetit ka shkuar ta arrestojë 36-vjeçarin, në mjetin e uniformave blu, është futur dhe nëna e tij.
Në momentin e ndalimit është munduar të mbrojë të birin duke deklaruar se armët janë të sajat dhe se i dispononin pasi punonin me forcat e ushtrisë. Denoncimin për kapjen e tij e bëri vetë i vëllai, kur e pa Antonion të dilte nga banesa në i armatosur ‘gjer në dhëmbë’.
Kur është pyetur se çfarë ‘misioni’ do të kryente, i veshur në atë mënyrë, Leka është shprehur se qëllimi i tij, ishte të ekzekutonte politikanët.
Antonio Leka rezulton i dënuar me parë nga gjykata, për “Prodhim dhe shitje të lëndëve narkotike”. Atij iu gjet një municion i tërë luftarak dhe blindshpues. Nuk dihet se kush ishte vërtetë shënjestra e tij.
Discussion about this post