Doganat greke pritet të zhvillojnë një grevë 48-orëshe nga data 2 prill në orën 08.00 të mëngjesit dhe do të zgjasë gjithsej 48 orë.
Si pasojë e grevës do të paralizohet totalisht lëvizja e mjeteve nga dhe drejtë Greqisë në të gjitha pikat doganore që lidhin vendin me vendet e rajonit, përfshirë Shqipërinë.
Përsa i përket doganave greke që janë porta hyrëse me vendin tonë, stafi në to paralajmëroi pjesëmarrje të gjerë në grevë dhe thanë se do të lejohen vetëm këmbësorët të cilët kalojnë pa bagazhe dhe çanta.
Sindikata e doganave tha se vendimi për fillimin e grevës ishte i pa shmangshëm pasi qeveria nuk ka përmbushur asnjë nga pikat e kërkesave të kësaj sindikate.
Discussion about this post