Policia e Matit ka nisur procedim penal për dy persona, të cilët janë autorët e dy zjarrvënieve në njësinë Administrative Komsi.
Të dy shtetasit kanë ndezur zjarre për djegien e disa mbeturinave dhe si pasojë e përhapjes së flakëve, janë djegur rreth 3 hektarë tokë me bimësi.
Ata u proceduan penalisht për veprën penale “Shkatërrimi i pronës me zjarr”.
Njoftimi i policisë
Si rezultat i veprimeve të shpejta hetimore dhe procedurale, Policia identifikon 2 autorë zjarrvëniesh.
Ndezën 2 zjarre dhe shkaktuan djegien e rreth 3 hektarë tokë me bimësi, Policia nis procedimin penal për 2 shtetas.
Shërbimet e Komisariatit të Policisë Mat, pas njoftimit të marrë për dy vatra zjarri në njësinë Administrative Komsi, janë nisur menjëherë bashkë me shërbimet zjarrfikëse.
Si rezultat i veprimeve të shpejta hetimore dhe procedurale janë identifikuar të 2 autorët e këtyre zjarrvënieve dhe konkretisht;
Specialistët për Hetimin e Krimeve të këtij Komisariati, referuan materialet në Prokurori, ku nisi procedimi penal për veprën penale “Shkatërrimi i pronës me zjarr”, për shtetasit Rexhep Neli dhe Mustafa Kola, të dy banues njësinë administrative Komsi, pasi kanë ndezur zjarre për djegien e disa mbeturinave, dhe si pasojë e përhapjes së flakëve, janë djegur rreth 3 hektarë tokë me bimësi.
Drejtoria Vendore e Policisë Dibër apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht. Gjithashtu, i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe për procedimin penal të shtetasve përgjegjës.
Discussion about this post