Policia e qeverisë Rama ka proceduar penalisht Adriana Kalanë, Klodijan Bajramin, Klevis Balliun, Ilir Tushën, Astrit Hysën dhe Sokol Ndoja.
Ata protestojnë prej disa muajsh kundër vjedhjeve të kryebashkiakut të Tiranës, Erion Veliaj nëpërmjet skemave korruptive.
Policia e Tiranës ka reaguar pas protestës së opozitës ditën e djeshme duke i çuar për ndjekje penale për akuzat e “Kundërshtimi i punonjësit të Policisë së Rendit Publik”, dhe “Organizimi dhe pjesëmarrja në grumbullime e manifestime të paligjshme”.
Polica mesa duket është shqetësuar për djegien e dy gomave në shenjë proteste përpara bashkisë së Tiranës dhe ka vendosur për t’i kallëzuar penalisht.
Njoftimi:
Tiranë
Drejtoria Vendore e Policisë Tiranë në lidhje me tubimin e zhvilluar ditën e djeshme, në vijim të veprimeve hetimore të kryera ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në gjendje të lirë për shtetasit A. K., 60 vjeçe, për veprën penale “Prishja e rendit dhe qetësisë publike”, “Ndotja e ajrit, e ujërave dhe e tokës”dhe “Organizimi dhe pjesëmarrja në grumbullime e manifestime të paligjshme”;
– K. B., 22 vjeç, K. B., 35 vjeç, I. T., 49 vjeç, A. H., 45 vjeç, dhe S. N., 38 vjeç, për veprat penale “Kundërshtimi i punonjësit të Policisë së Rendit Publik”, dhe “Organizimi dhe pjesëmarrja në grumbullime e manifestime të paligjshme”.
Këta shtetas ditën e djeshme kanë djegur dy goma automjetesh dhe më pas janë bashkuar me grupin e deputetëve dhe kanë kundërshtuar punonjësit e Policisë.
Materialet i kaluan Prokurorisë.
Discussion about this post