Këngëtari i njohur shqiptar Erik Lloshi ishte së fundmi i ftuar në një intervistë bashkë me bashkëshorten, Rominën. Ajo zbuloi se përfshihet në projektet muzikore të artistit dhe tregoi se vendos edhe për figurantët vajza. Ndërkohë që nuk ishte aspak dakord që kënga e fundit të xhirohej në shtëpi. Sipas saj, puna e Erikut ka anën pozitive dhe negative të sajën, por kjo nuk e bën xheloze megjithëse e ndjek shpesh.
Çifti u ndal edhe në jetën e tyre përtej punës, duke treguar se kush është ai që shpenzon shumë. Mes të dyve Eriku është ai që është dorëlëshuari, ndërsa Romina si një bankiere i bën llogaritë më së miri. Këtu Eriku shton me shaka se asaj nuk i shpëton asgjë madje edhe fotot ku duken lekët nga koncertet.
A do të bënte çifti një dasmë të dytë? Të dy ishin të mendimit që jo. Eriku tha me shaka se “as e kam për plane fare. Me harxhu lekë kot”. Madje ai tregon edhe një ngjarje që i kishte ndodhur kur ishin në dasmë tek Romina.
Eriku ishte aq i lodhur sa i kishte kërkuar DJ disa herë që ta mbyllte vallen, por ai nuk e kishte bërë dhe Eriku ishte larguar nga pista. “Në atë moment doja ta vrisja, por nuk kisha çfarë bëja. Ishte kunata ime që e mbuluam pak”, tha Romina në ‘Abc e Pasdites’.
Discussion about this post