Futbollisti brazilian Willian e ka përshkruar periudhën e tij tek Arsenal si “kohën më të vështirë”.
Willian ka pranuar se donte të largohej nga londinezët pas vetëm tre muajsh, sepse aty nuk ishte i lumtur.
Arsenali e nënshkroi brazilianin me parametra zero pas largimit të tij nga Chelsea në verën e vitit 2020, duke e lidhur atë me një kontratë trevjeçare.
Megjithatë, braziliani kërkoi ta shkurtonte atë marrëveshje në gusht përpara se t’i bashkohej klubit të fëmijërisë Corinthians, pasi kishte luftuar për të arritur nivelin e tij më të mirë në “Emirates Stadium”.
“Kur mbërrita atje isha i lumtur, që në fillim isha i motivuar, doja të bëja mirë, klub i ri, shokë të rinj, projekte të reja. Pas tre muajsh, i thashë agjentit tim ‘të lutem, dua të iki. Nuk dua të flas keq për klubin sepse është një klub i madh, ka një histori të madhe në futboll, lojtarë të mëdhenj kanë luajtur atje, por nuk funksionoi, ishte sigurisht periudha më e vështirë e karrierës sime”, ka treguar Willian.
Discussion about this post