Programi që do iu bëjë të ngriheni nga vendi ku jeni ulur dhe të kërceni “Just Dance”, do të rikthehet më 10 prill. Por kësaj here me ndryshime në juri por edhe në modelim.
Vendin e moderatores Dojna Mema, e cila është në pritje të ëmbël, do ta zërë kolegia e saj, Nevina Shtylla. Ditën e sotme ka qenë i ftuar në emisionin “Wake Up”, koreografi i njohur e njëkohësit edhe autor i programit, Graciano Tagani, i cili ka thënë dy fjalë edhe për dy moderatoret mjaft të dashura për publikun.
Për Dojnën tha se ajo ishte një “motor”, ndërsa nga ana tjetër Nevina “serioze”. Tagani tha se është shumë i lumtur për bashkëpunimin me Memën e gjithashtu edhe për Shtyllën.
“Me Dojnën vjet kam qenë shumë i lumtur. Kemi pasur një bashkëpunim jashtëzakonisht shumë të suksesshëm, një energji fantastike dhe kuptoheshim të dy me sy.Tani e njëjta gjë është edhe me Nevinën. Domethënë jam shumë i lumtur, nëse vjet Dojna kishte një energji të pashtershme, Nevina është ‘ok, çfarë do bëjmë’. I merr gjërat më seriozisht, është më e shtruar. Dojna është motor, Nevina shumë cute.
Jam shumë, shumë i lumtur që Nevina do jetë pjesë e këtij projekti sepse të thashë do t’i japë një faqe të re komplet, një risi, një ndryshim që nuk ka lidhje me Dojnën. Janë të dyja aq profesionale, sa realisht jam i kënaqur që Dojna ka qenë pjesë dhe Nevina është pjesë”, tha koreografi i njohur.
Discussion about this post