Këtë vit doli dokumentari mbi jetën e legjendës së Formula 1, Michael Schumacher. Aty trajtohet e gjithë jeta e ish-pilotit më të mirë te Ferrarit, që nga fëmijëria e tij, gara e para me makina deri te aksidenti famëkeq.
Shtatë herë kampioni i botës u bë pjesë e garave më të rëndësishme në një kohë ku duhej të përballej me emra që në atë periudhë cilësoheshin të ’frikshëm’ si Ayrton Senna, i cili humbi jetën në një përballje në pistë me gjermanin.
Pas kalimit te skuderia e Ferarit Schumacher u bë emri më i rëndësishëm i të gjitha kohërave i kësaj kompanie e jo vetëm por i të gjithë F1.
Teksa kanë folur në dokumentarin për jetën e pilotit familja e gjermanit kanë zbuluar se fundi edhe disa detaje që më parë ishin mister.
Bashkëshortja e tij, Corina Schumacher ka treguar se ai qëndron mes tyre edhe pse në një formë tjetër dhe ka shtuar se piloti gjithmonë ka dashur ta mbajë jetën private shumë sekrete, ndaj për këtë arsye ata janë duke e mbrojtur atë tashmë.
“Ai është mes nesh edhe pse në një formë tjetër, por është mes nesh. Michael gjithmonë ka dashur që ta mbante shumë sekrete jetën personale dhe gjithmonë na ka mbrojtur ne, tashmë është koha që ne ta mbrojmë atë”,- u shpreh ajo.
Ndërsa i biri nga ana tjetër Mick Schumacher, i cili është duke ndjekur hapat e të atit në garat e Formula 1, ka theksuar se do ishte i gatshëm të hiqte dorë nga gjithçka vetëm që i ati të rikthehej edhe një herë tjetër siç ka qenë më përpara.
“Do jepja gjithçka që ai të ishte edhe një herë si në kohën kur isha i vogël dhe argëtoheshim të katërt bashkë”,- tha i biri i legjendës së Ferrarit.
Teksa la të nënkuptohet se Michael Schumacher nuk është në gjendje shumë të mirë shëndetësore./K.T/Gijotina.com
