Situata te Juventus në kohën kur aty ishte Cristiano Ronaldo ka shumë të pathëna, që nga marrëdhëniet mes lojtarëve dhe te diskutimet në mungesë të rezultateve.
Për të kuptuar se çfarë nuk shkoi mirë në sezonin e kaluar, kur në krye të ‘Bardhezinjve’ ishte Andrea Pirlo, po përgatitet dokumentari ‘All or nothing’.
Aty përfshihet sezoni 2020/2021 i ‘Zonjës së Vjetër’ me pamje e diskutime ekskluzive, një pjesë e madhe e të cilave janë marrë nga dhomat e zhveshjes,
Së fundmi është bërë publike një moment pas humbjes ndaj Beneventos të marsit të kaluar. Pamjet tregojnë kapitenin Bonucci që shfaqet shumë i acaruar dhe thotë: “Po na vrasin djema. Nëse duam titullin, nuk mund të luajmë kështu.”
Fjalë të cilat kanë marrë edhe aprovimin e Ronaldos, që pohon me kokë.
“Kështu k**in fitojmë. Dreqi ta hajë jemi të zhytur në m** nëse luajmë kështu. Sepse nuk e kemi kuptuar rëndësinë, nuk e kemi kuptuar se sa e rëndësishme është të fitojmë këtë ndeshje. Kemi një vit që luajmë kështu dhe fajin e kanë gjithmonë të tjerët, të marrim përgjegjësitë që na takojnë.” -shtoi Bonucci.
Ndërsa e menjëhershme ishte edhe ndërhyrja e Pirlos: “Nuk po shoh dëshirë që t’i fitojmë këto ndeshje. Duhet të bëjmë diçka patjetër”.
Megjithatë ato fjalë nuk ndryshuan asgjë dhe Juventus humbi për herë të parë pas 9 sezoneve titullin kampion të Seria A./K.T/Gijotina.com
Discussion about this post