Pak minuta më parë kryeministri Edi Rama zbuloi emrin e kandidatit për President, i cili është Bajram Begaj. Por mesa duket Gjeneralmajor Bajram Begaj është duke u hetuar nga SPAK. Këtë e ka bërë të ditur kapiteni i rangut të parë dhe ish-zëvendëskomandanti i Forcës Detare, Artur Meçollari duke treguar edhe dokumentin e kallëzimit të tij. Pak ditë më parë Meçollari foli për mediat dhe tha se SPAK ka nisur tashmë hetimet për ish-ministren Olta Xhaçka dhe disa ushtarakë të lartë, mes tyre edhe Shefin e Shtabit të Përgjithshëm të Forcave të Armatosura.
“SPAK KA NISUR HETIMIN PENAL PËR PRONAT E FORCËS DETARE. Së fundmi kam patur një komunikim me SPAK, drejtusi i të cilit në kthimin e përgjigjes më ka informuar se ka nisur hetimin penal paraprak për dy kallëzime penale të kryera nga ana ime. Kjo provon se SPAK mbas verifikimeve ka dyshime të besueshme për vepërën penale të shpërdorimit të detyrës ndaj të kallëzuarve. Artur Meçollari në cilësinë e kallëzuesit ka bërë dy kallëzime penale në SPAK, që lidhen me dy raste të trajtimit joligjor të pronave në planinne veprimitvdhe përhapjes së Forcës Detare. Baza Detare e Sarandës. SPAK fillimisht ka bërë regjistrimin e kallëzimit me Nr. 86, datë 31 mats 2021. SPAK mbas verifikimeve ka bërë regjistrimin e hetimit penal paraprak me nr. 108/2021. Të kallëzuar ish-Ministri i Mrojtjes Olta Xhaçka dhe Komisioneri për të Drejtën e Informimit Besnik Dervisht. Baza Detare e Shëngjinit. SPAK fillimisht ka bërë regjistrimin e kallëzimit me Nr. 93, datë 6 prill 2021. SPAK mbas verifikimeve ka bërë regjistrimin e hetimit penal paraprak me nr. 109/2021. Të kallëzuar Gjeneral Major Bajram Begajt, me detyrë shef i Shtabit të Përgjithshëm të FA, Gjeneral Brigade Ilir Xhebexhisë, me detyrë ish-Komandant i Forcës Detare dhe kolonel Altin Kurtit, me detyrë ish-komandant i Policisë Ushtarake” – thuhet në reagimin e Artur Meçollarit.
Për këtë ka reaguar edhe ish-deputeti i PD-së, Genc Pollo ku është shprehur se Begaj ka direkt përgjegjësi morale, civile si dhe penale për zhvatjen e bazave detare të Forcave të Armatosura.
“B. Begaj ka direkt përgjegjësi morale, civile si dhe penale për zhvatjen e bazave detare të Forcave të Armatosura! Ai nuk mund të jetë President i Republikës!!! As Kryekomandant i Forcave të Armatosura”, shkruan Pollo.
Discussion about this post