Pas raportimeve të mediave rumune për lidhjet e errëta mes kryeministrit Edi Rama dhe ish shefit të inteligjencës rumune nën hetim Florian Coldea-n, zbulohet dhe dokumenti që fakton se të dy kanë punuar së bashku.
Bëhet fjalë për një shkresë që mban datën 11.09.2023 dhe firmën e Sekretarit të Përgjithshëm të Kryeministrisë Engjëll Agaçit. Ky i fundit konfirmon në një kthim-përgjigje Sekretariatit të Kuvendit me kërkesë të deputetes demokrate Albana Vokshi se Florian Coldea është këshilltar i jashtëm i kryeministrit për këshillim për çështje që lidhen me sigurinë.
Shkresën e publikoi këtë të premte kreu i PD-së Sali Berisha shprehet se “ky dokument zyrtar fakton një lidhje tjetër mafioze ndërkombëtare të Edi Ramës dhe Taulant Ballës dhe narko-shtetit të tyre”.
Reagimi
Në postimin në rrjetin social “FB” ku publikon dokumentin, Berisha shkruan:
Kjo është kontrata e Padrino Edi Ramës me mafiozin Coldeo! Miq, ky është dokumenti i lidhjes kontraktuale të Edi Ramës me ish-shefin e shërbimeve sekrete rumune, gjeneralin Coldeo, një McGonigal ballkanik! Ky dokument i datës 11/9/23 është i firmosur nga mafiozi Don Agaçio dhuratë madhi me të cilin gjenerali Coldeo emërohet këshilltar i jashtëm i mafiozit, kreut të narko-shtetit Edi Rama. Sipas mediave rumune Coldeo ka lidhur Ramën me kartelin më të rrezikshëm të drogës në botë Sinaloan e Meksikës dhe botën e nëndheshme të krimit. Ai u pagua me shuma të mëdha nga Edi Rama dhe konfidenti i tij narko-trafikanti Ministër Taulant Balla për shërbime mafioze ndaj tyre. Ky dokument zyrtar fakton një lidhje tjetër mafioze ndërkombëtare të Edi Ramës dhe Taulant Ballës dhe narko-shtetit të tyre.
Ps. Dje Edi Rama me mjeron e tij me moton “fajin e ka Saliu”, publikoi në fotografi në një konferencë ndërkombëtare siç tregojnë baxhet që Coldeo gjendet i ulur në rradhë afër meje, ku ai ka përfaqësuar veten apo vendin e tij, pa asnjë lidhje me mua as edhe Shqiperinë.
Lexo edhe:
Discussion about this post