Menjëherë pas vendimit të KPP-së që i jepte të drejtë Bashkisë së Shkodrës për procesin e ankandit për privatizimin e klubit të Vllaznisë, Almiro Gurakuqi një prej pretendentëve të përjashtuar nga gara për blerjen e tij e ka dërguar çështjen në Gjykatën Administrative të Apelit në Tiranë.
Megjithatë Gjykata Administrative e Apelit në Tiranë e ka rrëzuar kërkesë padinë e biznesmenit.
Pas këtij vendimi tashmë Alban Xhaferri është i vetmi kandidat që ka të drejtë për të blerë Vllazninë.
Privatizimi i klubit shkodran pritet të kryhet gjatë ditëve të ardhshme me lidhjen e kontratës së shitjes mes Bashkisë Shkodër dhe Alban Xhaferrit./Gijotina.com
