Një nga personazhet më të njohur që spikati në edicionin e parë të “Big Brother VIP” është padyshim dhe modelja Beniada Nishani. Ajo bëri për vete publikun jo vetëm me pamjen, por dhe me pozitivitetin.
Por çfarë shije ka lënë ajo eksperiencë te modelja dhe a do të ishte ajo e gatshme ta përjetonte edhe një herë atë aventurë? Duket se po!
E ftuar në “E diell”, Beniada është pyetur pikërisht rreth kësaj teme. Ajo e cilësoi pjesëmarrjen në BBV si eksperiencën më të bukur të jetë së saj, të cilën do të donte ta përjtonte sërish.
“Ka qenë mendoj eksperienca më e bukur e jetës time. Nuk krahasohet me asnjë eksperiencë tjetër. Disi edhe na mungon. Tani që mendoj se do të fillojë Big Brother 2, them sikur të isha futur akoma edhe një herë, vetëm për disa ditë”, përfundoi Beni.
Mbase këtë edicion edhe pse jo si pjesëmarrëse, mund ta shohim si të ftuar…
Discussion about this post