Doli të kërkonte qenin, humbet 56-vjeçari në Gjinar, dyshohet se ka rënë në kanion

Një ngjarje e rëndë është regjistruar në Njësinë Administrative Gjinar, Elbasan, ku një 56-vjeçar ka humbur pa gjurmë.

I zhdukur është Pëllumb Toçi, banor i fshatit Pashtresh, i cili sipas familjarëve kishte dalë për të kërkuar qenin e tij, por nuk është kthyer më. Ata kanë njoftuar Policinë e Elbasanit, e cila ka nisur menjëherë kërkimet në terren.

Paraprakisht dyshohet se gjatë lëvizjes në zonën me terren të vështirë, Toçi mund të ketë rënë në një kanion.