Reperi Xhonatan Isufi i njohur me emrin e artit, Don Xhoni është dënuar me 2 mijë euro gjobë për armëmbajtje pa leje.
Aktgjykimi ndaj tij u shpall të premten, nga gjykatësi i rastit Kushtrim Shyti.
Sipas mediave kosovare, reperi ka thënë:“Ndjehem shumë i penduar dhe shpresoj të mos ndodhë më kurrë”.
Sipas aktakuzës, nga data e pacaktuar e deri më 27 qershor 2022, i pandehuri Isufi në kundërshtim me ligjin e zbatueshëm lidhur me armët, ka mbajtur në pronësi armën e zjarrit pistoletën e tipit “Cervena zastava” me një karikator dhe gjashtë fishekë të kalibirit 7,65 mm.
Vetë reperi reagoi pas vendimit duke postuar një foto nga gjykata. “E pranova fajësinë që e kam mbytur EP-në!!! Shihemi shpejt”, duke paralajmëruar minialbumin që do të sjellë së shpejti.
Discussion about this post