Bashkimi Evropian dhuroi 115 milionë euro për rindërtimin e banesave që u shkatërruan nga tërmeti i 26 nëntorit të dy viteve më parë në vendin tonë. Nuk kanë munguar kritikat ndaj qeverisë, duke thënë se po i shpenzon ato pa kriter dhe për arsye të tjera. Në lidhje më këtë çështje ka folur sot ambasadori i BE në vendin tonë, Luigi Soreca, i cili tha në një intervistë televizive se ai vetë ka monitoruar nga afër çdo shpenzim të bërë nga ky donacion.
Soreca risolli në vëmendje faktin se BE ka kontraktuar 2 agjenci të OKB-së, UNDP dhe UNOPS për dy programet ku do të investohen donacionet e BE prej 115 milionë eurosh. “Ne u besuam atyre zbatimin e këtyre programeve, por ne kontrollojmë dhe monitorojmë zbatimin përmes komisionit drejtues, por edhe përmes vizitave me kolegë të OKB-së. Unë kam udhëtuar në gjithë zonën për të parë se si shpenzohen këto para. Diçka për të cilën jam shumë krenar është se çdo vendim në lidhje me këto 115 milionë gjendet në internet”, u shpreh ambasadori. Sakaq, Soreca tha se BE ka dërguar përfaqësues kudo në zonat e rindërtimit për të mbikëqyrur ecurinë e punimeve dhe shfrytëzimin e fondeve
Discussion about this post