Ish-presidenti i Shteteve të Bashkuara të Amerikës, Donald Trump do t’i bashkohet djali i tij, Donald Junior për komentimin e ndeshjes së boksit mes Evander Holyfield dhe Vitor Belfort. Kjo përballje do të zhvillohet të shtunën në Florida, në përvjetorin e njëzet të sulmit mbi Kullat Binjake
Duket se Trump i rikthehet të shkuarës së tij në World Wrestling Entertainment në 1988 dhe 1989 Wrestle Mania IV dhe V, që u mbajtën në Trump Plaza, vendi i vetëm në histori që e kishte pritur atë për dy vjet rresht.
Ish-presidenti do të kthehet në ekranet amerikane të shtunën, si komentues i ndeshjes, e cila do të transmetohet nga ‘Fite TV’ me pagesë, me një çmim prej 49.99 dollarë (42 euro).
Takimi që do mbajë komentin e Trump dhe djalit të tij, do zhvillohet në Hard Rock Hotel & Casino në Hollywood, Florida dhe premton një koment “të pa filtruar”.
Rikujtojmë që Holyfield, 58 vjeç, ish-kampion bote që doli në pension në 2011, ka zënë vendin e Oscar De La Hoya,i cili u ndal për shkak se ka rezultuar pozitiv me Covid-19.
Ai duhej të kthehej në ring majin e kaluar kundër Mike Tyson, por të dy palët nuk arritën një marrëveshje ekonomike dhe ajo përballje u anulua. Ndërsa Belfort, 44 vjeç, është një kampion i peshave të lehta të UFC./Gijotina.com
