Ka nisur numërimi mbrapsht për finalen e “Big Brother Vip”. Donald Veshaj, Ilir Shaqiri, Beniada Nishani dhe Einxhel Shkira janë në “luftë” për çmimin e madh. Në ditët e fundit brenda shtëpisë, banorët po vazhdojnë të bëjnë lojëra të ndryshme të vendosura nga “Vëllai i madh”, por edhe duke rrëfyer eksperiencat dhe momentet më të bukura që kanë përjetuar gjatë katër muajve.
Shtëpia e “Big Brother VIP” në Ditën e të Dashuruarve u mbush me arushë, trëndafila dhe tullumbace të kuqe.
Einxhel Shkira dhe Donald Veshaj dhanë nga një mesazh për partnerët e tyre, me të cilët u njohën brenda shtëpisë më të famshme.
“Dagz, të dua shumë, do të takohemi të premten, pastaj takohemi prapë kur të më shërohet krahu”, i tha Einxheli Arbrit.
Ndërsa Donaldi, teksa konsumonte heliumin e tullumbaces, tha disa fjali, që duket se ia dedikon Beatrix Ramosajt:
“Ti m’ke mua. Unë jam vetëm. Nuk jam unë që kam problem me botën, bota ka problem me mua”.
Një koment i Salsano Rrapit dhe Ermal Mamaqit kur hynë në shtëpisë e “BBV”, për Beatriksën dhe Bora Zemanin, ish-të dashurën e Donaldit ka mërzitur këngëtares, që të premten e kaluar, refuzoi të hynte në shtëpi e të qëndronte për pak orë krah artistit.
Discussion about this post