Donaldi dhe Bora mes vargjeve në këngën e Semit: Rashë para syve të botës

“Mos u kthe” mban titullin kënga e re e Semi Jaupaj që u publikua ditën e djeshme, për tekstin dhe muzikën e së cilës është kujdesur Ylli Limani.

Të gjithë kanë pritur “sy e veshë” për këtë baladë, ku disa vargje na lënë të nënkuptojmë se i dedikohet  historisë së dashurisë mes Borës dhe Donaldit.

Në thelb balada e ndjerë flet për një dashuri të humbur.

Në bazë të ngjarjeve që kanë ndodhur këto katër muaj brenda shtëpisë më të famshme në Shqipëri, mendohet që disa prej këtyre vargjeve mund t’ju dedikohen atyre të dyve.

“Emrin tim thuaje sot, merre dhe shkele në tokë, nuk më paske dash më së shumti në botë. A e din si është mos me u zgju dhe mos me u gzu që je gjallë. Mos u kthe, nisu dhe shko te zemra tjetër që të pret, mos u kthe te unë se shumë më mirë pa ty jam vetë”, janë disa nga vargjet e baladës.

Ndjekësit besojnë se Semi ka rrëfyer mes vargjeve, atë që ka përjetuar Bora, mikesha e saj e ngushtë pasi Donaldi vendosi të lidhej me Beatrix Ramosaj. “Para syve të botës rashë/më posht’ nuk e di a ka/si s’të erdhi pak gjynah,” thuhet në një pjesë të këngës.