Donald Veshaj, aktori i njohur i humorit dhe njëkohësisht i njohur si një ndër finalistët e “Big Brother Vip”, vazhdon të marrë vëmendje për historinë e tij me moderatoren, Bora Zemani.
Pas daljes nga “Big Brother VIP”, aktori i humorit ka reaguar për herë të parë ditën e djeshme. Në reagimin e tij Donald Veshaj bëri të qartë se po përpiqej të rifitonte Bora Zemanin. Përmes deklaratës publike, aktori nënkuptoi se është penduar për lidhjen që krijoi me këngëtaren Beatrix Ramosaj brenda shtëpisë së famshme.
Nga ana tjetër, teksa deklarata bëri bujë në rrjet, një reagim ka ardhur edhe nga mikesha e moderatores, Semi Jaupaj. Ajo ka publikuar disa fotografi në rrjetin e saj social Instagram por ajo që tërhoqi vëmendjen ishte mbishkrimi, për të cilin fansat janë të bindur se i drejtohet Donaldit.
“Ti e di se nuk është njësoj siç ishte.”
Këto ishin fjalët e Semit, të cilat janë parë si një mesazh indirekt ndaj ish të dashurit të mikeshës së saj më të ngushtë.
Discussion about this post