Aktori i humorit Donald Veshaj ka hequr dorë nga dhurata që mori në Big Brother për të udhëtuar në disa vende të botës.
Përmes një videoje në Instagram, Donaldi ka zbuluar se do t’i dhurojë udhëtimet për disa çifte. Në videon që ka ndarë në profilin e tij në Instagram, Donaldi shpjegon se si do të përzgjidhen personat për të përfituar nga kjo dhuratë.
“Dhurata që kam marrë për udhëtimin tim nëpër botë, në 7 destinacione t’jua dhuroja juve. T’jua dhuroja 7 çifteve që kanë dëshirë që të shkojnë bashkë në këtë udhëtim dhe për një arsye ose një tjetër nuk kanë mundur që të shkojnë diku bashkë. Nëse ke një mik ose mikeshë që është çift, komento emrat dhe thuaj arsyen se pse e meritojnë të shkojnë në këtë udhëtim.
Ndoshta kanë kaluar një vit të vështirë, ndoshta nuk kanë mundësi ekonomike që të shkojnë diku. 7 arsyet më të forta do të përzgjidhen për të shkuar në këto destinacione.”, është shprehur Donaldi.
Nuk dihet nëse ky vendim lidhet dhe me hatërmbetjen pasi fitoi Iliri. U përfol se aktori nuk e ka pritur mirë humbjen por hodhi poshtë zërat me pjesëmarrjen në “afterparty-n” e Big Brother VIP.
View this post on Instagram
Discussion about this post