Skuadra e PSG luan në shtëpi këtë të mart ndaj Manchester Sitit. Francezët synojnë fitoren pas barazimit me Klub Bryzh. Për këtë ndeshje ka shumë pikëpyetje mbi aktivizimin e Mesit dhe Donarumas. Për këtë çështje ka folur trajneri i ekipit francez, Pochetino.
“Ne kemi portierë të shkëlqyeshëm dhe të gjithë portierët e mëdhenj përshtaten me kërkesat e stafit. Ne jemi të kënaqur me atë që kanë bërë deri tani.
Mesi? Unë nuk konfirmoj asgjë deri ditën e ndeshjes, por ai do të jetë në dispozicion dhe i është bashkuar grupit. Ai kaloi njëzet vjet në Barcelonë. Lërini lojtarët të përshtaten me mjedisin e tyre të ri, t’i bëjnë ata të ndihen si në shtëpi”, u shpreh Poçetino. Donaruma ka luajtur vetëm dy ndeshje si titullar me PSG që prej transferimit në Francë.
