Kombëtarja e Italisë luajti ditën e sotme ndaj Belgjikës në stadiumin e Juventusit. Portieri Xhanluixhi Donaruma ishte titullar me axurrët të cilët triumfuan në fund. Ajo që u dallua në këtë përballje është pritja e ngrohtë që tifozët e Juventusit i servirën gardianit italian. Sfida u zhvillua në shtëpinë e bardhezinjve e natyrisht që në stadium dominonin tifozët e rekordmenëve italian.
Donaruma mori shumë duartrokitje nga tifozët të pranishëm në shkallët e stadiumit teksa i’u kthye me përshëndetje. Një moment nga ku mund të jetë ndezur një flirt mes portierit dhe skuadrës së Juventusit. Disa vite me parë Cristiano Ronaldo u duartrokit në stadiumin e Juventusit teksa një sezon më pas zbarkoi në Torino. Nëse largohet nga PSG, destinacioni më i mundshëm i Donarumës është Juventusi.
