Ndihmëssekretarja amerikane për çështjet europiane dhe euroaziatike Karen Donfried ka mbërritur sot në Tiranë bashkë me të dërguarin e SHBA për Ballkanin Perëndimor Gabriel Escobar. Lajmin e ka bërë të ditur Ambasada e SHBA në Tiranë ku ka ndarë foto nga momenti i takimit të tyre me Komisionerin Europian për Zgjerimin, Oliver Varhelyi. Ajo thekson se ata kanë diskutuar për prioritetin e integrimit të Shqipërisë dhe Maqedoninë së Veriut në Bashkimin Europian.
“Ndihmës Sekretarja e Shtetit për Çështjet Europiane dhe Euroaziatike Karen Donfried dhe Zëvendës Ndihmës Sekretari i Shtetit dhe i Dërguari i Posaçëm për Ballkanin Perëndimor Gabriel Escobar mbërritën sot në Shqipëri dhe u takuan me Komisionerin Europian për Zgjerimin Oliver Varhelyi. Ata ranë dakord se pushtimi i pajustifikuar i Ukrainës nga Rusia e ka bërë integrimin edhe më urgjent. Ata diskutuan mbi prioritetin e përbashkët të integrimit të Shqipërisë dhe Maqedonisë së Veriut në Bashkimin Europian dhe Ndihmës Sekretarja Donfried rikonfirmoi mbështetjen e fortë të Shteteve të Bashkuara për anëtarësimin e Shqipërisë në Bashkimin Europian dhe tha se SHBA mbetet e angazhuar për të punuar me partnerët shqiptarë dhe të BE-së për të siguruar reformën në drejtësi në Shqipëri dhe rrugën e suksesshme drejt Bashkimit Europian” – njofton ambasada.
Discussion about this post