Pavarësisht se në javët e fundit vendi ynë është pushtuar nga flakët për shkak të zjarreve të shumtë, qytetarët nuk ndërgjegjësohen dhe shpesh bëhen ata shkaktarë. Ditën e sotme Emergjencat Civile në bashkinë e Lushnjës si dhe të gjitha institucionet e tjera janë të pafuqishme për të parandaluar pasoja e zjarrit në Savër, i cili është çdo ditë i pranishëm. Fermerët si mënyrën më të lehtë për ta ruajtur nga dëmet që shkakton, karkaleci kanë gjetur ndezjen e zjarreve si mënyrë për t’i larguar nga parcelat e tyre.
Por duke mos e mbajtur dot zjarrin nën kontroll për shkak të temperaturave të larta dhe erës që prej fillimit të këtij muaji janë djegur qindra hektarë ullishte e shkurre. Zjarri është përhapur deri në afërsi të banesave dhe kanë qenë vetë banorët me mjete rrethanore që e kanë vënë nën kontroll për të ruajtur banesat dhe pronat e tyre.
Discussion about this post