Gigio Donnarumma është zyrtarisht lojtar i PSG-së. Klubi francez ka prezantuar afrimin e portierit italian me një video të postuar në Tëitter, aty ku shkruhet në italisht: Mirë se vjen Gigio.
Një përforcim fantastik për ekipin e Mauricio Pochettinos, teksa PSG siguron me parametra zero një nga portierët më të mirë dhe “blindon” kuadratin për shumë vite.
22-vjeçari, i cili ka luajtur me Milanin deri tani dhe pak ditë më parë fitoi Euro 2020 me Italinë, madje duke u shpallur lojtari më i mirë i turneut, ka firmosur një kontratë 5-vjeçare me klubin e ri.
