Tronditje e madhe për Gianluigi Donnarumma. Shtëpia e portierit të PSG-së ra pre e grabitjes gjatë natës së kaluar, teksa lojtari italian ndodhej në banesë së bashku me gruan e tij.
Ngjarja kanë ndodhur në lagjen e 8-të në Paris, ku ndodhet shtëpia e portierit italian. Sipas një burimi të njohur me këtë çështje në AFP, çifti pësoi disa akte dhune, duke përfshirë edhe lidhjen, përpara se të arrinte të strehohej në një hotel aty pranë.
Kanë qenë punonjësit e hotelit ata të cilët kanë dhënë alarmin, por policia ende nuk ka arritur të kap autorët. Në gjendje shoku, edhe portieri 24-vjeçar dhe gruaja e tij kanë qenë prezent deri në mbërritjen e policisë. Më pas ata u dërguan në spital për mjekim.
Sipas informacioneve, hajdutët janë larguar me disa sende me vlerë 500,000 euro. Një hetim u hap dhe iu besua brigadës për parandalimin e krimit (BRB) të policisë gjyqësore të Parisit.
Discussion about this post