Lionel Messi do të dalë ditën e nesërme në një konferencë për shtyp për të përshëndetur të gjithë tifozët e Barcelonës.
‘Marca’ bën me dije se ishte vetë argjentinasi ai që donte të organizonte takimin me mediat, në mënyrë që t’u thoshte lamtumirë mbështetësve të Blaugrana dhe të shpjegonte arsyet e largimit të tij.
Ai është tronditur shumë gjatë orëve të fundit dhe do të shoqërohet nga familja e tij në konferencë për të marrë mbështetjen e duhur në një moment kaq delikat.
Rikujtojmë se ‘pleshti’ nuk donte të largohej nga Barcelona, madje kishte pranuar edhe përgjysmim të pagës, por ishte klubi katalanas ai që tha fjalën e fundit./Gijotina.com
