Ish-këshilltari i Robert Lewandowskit, Cezary Kucharski, i cili ka qëndruar për një kohë të gjatë pranë sulmuesit ka zbuluar së fundmi se ka qenë një periudhë kur polaku nuk donte të rinovonte kontratën me Bayern Munich.
Duke folur së fundmi për RL9, Kucharski ka theksuar se polaku kishte dëshirë që të transferohej te Real Madrid që të luante në një ekip me Cristiano Ronaldon.
“Ka pasur një moment gjatë negociatave që nuk donte të rinovonte me Bayern Munich dhe donte të shkonte te Real Madrid për të luajtur me Cristiano Ronaldon.”-tha ai.
Më tej ish-këshilltari i futbollistit thekson se ishte ai vet që nuk e lejoi të merrte një vendim të tillë, pasi kurrsesi Lewandowski nuk duhej të ishte numri dy në një ekip.
“Unë e binda se duhej të ishte qendërsulmues titullar te një ekip i madh. Te Real, herët ose vonë do të kishte marrë vendin e Benzema, por nuk mund ta lejoja të shkonte te një klub ku do të ishte numri 2, duke parë nivelin ku kishte arritur.”-shtoi ai.
Ndërsa duket se ky ka qenë vendimi i duhur për të, pasi tashmë polaku është sulmuesi më i mirë i momentit dhe kërkohet nga shumë klube për të kryesuar, përfshirë këtu edhe Real Madrid./K.T/Gijotina.com
