Përveç problemeve që e përndjekin sa herë që zbret në fushën e lojës, kryesisht dëmtimet, mesfushori i Juventusit, Pol Pogba ka një tjetër problem shumë të madh, që mund t’i mbyllë karrierën, një herë e mirë. Kampioni i Botës në Rusi 2018, doli pozitiv në një test dopingu.
Ai rezultoi pozitiv në testin e 20 gushtit të vitit të kaluar pas hapjes së kampionatit ndaj Udinezes. Lajmi është bërë i ditur nga “corriere. it”. Analizat e kryera zbuluan gjurmë të testosteronit në gjak.
Sipas mediave italiane testosteroni është një substancë që nuk mund të merret me një përjashtim terapeutik.
Prandaj, Pogba rrezikon një dënim maksimal prej katër vitesh skualifikim edhe nëse është shumë herët për të bërë ndonjë supozim.
Ndërkohë do të duhet të bëhen kundër analiza për të konfirmuar pozitivitetin dhe për të kuptuar se cila mund të jetë linja mbrojtëse e francezit.
Rasti i fundit i një polemike dopingu në Serinë A është ai i argjentinasit tek Atalanta, Hose Luis Palomino, i cili doli pozitiv për nandrolone në vitin 2022, por më pas u lirua nga Gjykata Kombëtare Anti-Doping.
Discussion about this post