Dorëheqja e Lulzim Bashës nga posti i kryetarit të partisë u shoqërua me reagime të shumta. Ky veprim është cilësuar “i vonuar” nga deputetja e PD-së Grida Duma.
Duma thekson se tashmë fokusi duhet të jetë tek zgjidhja e krizës në parti, ku thotë se kryetari i ri duhet të zgjidhet përpara zgjedhjeve lokale 2023 dhe jo siç është parashikuar në planin me 4 pika të PD. Për bashkimin e demokratëve, Duma shprehet se duhet të ngrihet një komisionin për të administruar dialogun mes PD-së dhe Komisionit të Rithemelimit.
“Për mua është dhënë dorëheqje pak e vonuar. Riciklimi apo ri ardhja apo rikandidmi është çështje që mbetet në vullnetin e secilit. (…)Zgjidhja është një lloj kolegjialiteti i PD. Ky është një moment që të gjithë ne të tregojmë që nuk është çështje personale. Për shumë muaj, të ngihet një komision me bazë të gjerë të administrojë të gjithë procesin e dialogut të brendshëm në parti. Një vit e shoh si një situatë të papërshtatshme dhe e shoh të papërshtatshme pas zgjedhjeve. Nëse nuk e ço përgjegjësinë tek dikush do mbetet jetime, atëherë askush nuk do ta bëjë çështjen nga A te ZH me kapacitet. Të mbyllet brenda 5 ose 6 muaj (…)”, shprehet deputetja e Partise Demokratike.
Sipas saj, nëse nuk gjendet një zgjidhje PD do ndahet në copëza, ndërsa thekson se partisë i duhet “tranfuzion gjaku”, duke nënkuptuar kështu se ka ardhur koha që të përfshihen figura të reja në parti.
“Ka rënë bomba dhe nuk risheh hapat e veta, atëherë ne do të mbetemi copëza të një gjejë që njëherë ishte ëndrra PD”, thekson Grida Duma.
Discussion about this post