Deputeti i Partisë Demokratike njëkohësisht dhe anëtari i Komisionit të Rithemelimit, Belind Këlliçi, në një intervistë për mediat foli për dorëheqjen e Lulzim Bashës nga drejtimi i PD. Këlliçi tha se vendimi i Bashës ishte i vonuar por i domosdoshëm. Sipas tij, i takon bazës të zbatojnë vendimet e Kuvendit të PD.
“Zoti Basha u largua nga zyra sepse u shkarkua. Vendimi i delegatëve është ratifikuar, zoti Basha u shkarkua nga anëtarësia, por është për tu përshëndetur një vendim i vonuar. I takon bazës të zbatojnë vendimet e Kuvendit të PD. Ky ka qenë një hap edhe pse i vonuar një gjysmë hap i mirë, për të zgjidhur krizën. Këto muaj ka pasur debat pafund dhe qeveria është lënë në harresë. Ky debat ka qenë i dyanshëm dhe fokusi ka qenë zgjidhja e krizës së brendshme” – tha Këlliçi.
Këlliçi gjithashtu tha se ka një mbledhje të Komisionit të Rithemelimit, qëllimi mbetet edhe normalizimi i marrëdhënieve me kolegët tanë. Sipas Këlliçit, qëllimi i Komisionit të Rithemelimit mbetet edhe normalizimi i marrëdhënieve me kolegët tanë.
“Ka një mbledhje të Komisionit të Rithemelimit, qëllimi mbetet edhe normalizimi i marrëdhënieve me kolegët tanë. Unë hyj ke ata politikanë të rinj që mendoj se në politik ka njerëz me kontribute dhe nuk kemi luksin të humbasim me njerëz dhe e vetmja mënyrë është vota…Selia u kthye në bunker dhe një tjetër detyrë është të ç’bunkerizohet PD. Hapi i parë do të jetë ç’bunkerizimi i PD, s’mund të kalohet pa harruar gazi lotsjellës i demokratëve, rrahja e tyre sepse kishin shkuar në seli. Më është vjedhur zyra nga njerëz të armatosur dhe këtë nuk e harroj, nga Prokuroria nuk jam thirrur, por këtë çështje nuk e lë. Ky është pra një moment reflektimi” – tha Këlliçi.
Discussion about this post