Pas dorëheqjes së Lulzim Bashës nga kreu i PD-së, demokratët nuk kanë nguruar ta komentojnë këtë vendim. Belind Këlliçi, kryetar i Komisionit të Rithemelimit të Partisë Demokratike nuk e konsideron dorëheqje vendimin e marrë sot nga Lulëzim Basha. Në një reagim për mediet, Këlliçi u shpreh se sot Basha u largua thjesht nga zyra, pasi është i shkarkuar nga Kuvendi Kombëtar i Partisë Demokratike të mbajtur më 11 dhjetor të vitit të kaluar.
I pyetur nëse ka ambicie për të kandiduar në zgjedhjet që pritet të zhvillohen në PD për zgjedhjen e kryetarit të ri, Këlliçi thotë se për mometin është i fokusuar tek riorganizimi në çdo qytet.
“Z. Basha sot thjesht u largua nga zyra dhe nuk u dorëhoq nga asnjë funksion, pasi qe prej 11 dhjetorit 2021 është i shkarkuar nga Kuvendi Kombëtar i PDSH. Kaq e thjeshte. S’ka asnjë garë aktualisht. Jam i fokusuar tek ringritja e PD dhe riorganizimi në çdo qytet,”- tha Këlliçi.
Discussion about this post