Do të mblidhet sot Kryesia e PD për herë të parë pas dorëheqjes së Lulzim Bashës. Mbledhja do të mbahet në orën 19:00 dhe është njoftuar nga sekretari i Përgjithshëm, Gazment Bardhi. Ai nuk ka deklaruar konkretisht se për çfarë do diskutohet, por sigurisht tashmë me një kryetar të ri dhe me largimin e Bashës që aq shumë ishte kërkuar, pritet të diskutohet për hapat që do të merren më tutje.
“Të nderuar anëtarë të Kryesisë. Sot në orën 19:00 do të zhvillohet mbledhje e Kryesisë së Partisë, me rend dite diskutimin mbi situatën e brendshme ne Parti. Me respekt, Sekretari i Përgjithshëm Gazment Bardhi”, thuhet në njoftim.
Për momentin kryetar i PD është Enkelejd Alibeaj, por kujtojmë se Basha nuk ka mohuar faktin se mund të kandidojë sërish në zgjedhjet e radhës për kryetar.
Discussion about this post