Deputeti i Partisë Demokratike Ervin Salianji ka reaguar pas dorëheqjes së Lulzim Bashës nga kreu i PD.
Ai e konsideron të vonuar vendimin që Basha mori, duke e cilësuar si të duhurin.
“Dorëheqja ishte vendimi i duhur, por i vonuar. Shpresoj të mos jetë një truk dhe të kemi një mundësi reale që Partia Demokratike të mos ecë përpara dhe të vijmë në të njëjtat përfundime”, është shprehur Salianji.
Lulzim Basha në një mesazh të bërë publik për mediat, ka dhënë dorëheqjen si kreu i kësaj force. Në një mbledhje të të gjithë strukturave të selisë blu, ai komunikoi vendimin e tij për të bërë një hap pas. Gjatë fjalës së tij, Basha u shpreh se është i vendosur që të ndihmojë në çdo mënyrë ringritjen dhe bashkimin e demokratëve.
Discussion about this post