Ka ndryshuar trupa gjykuese që do të shqyrtojë rekursin e kryebashkiakut të Tiranës, Erion Veliaj, në Gjykatën e Lartë, pas dorëheqjes së gjyqtarit Ilir Panda nga shqyrtimi i çështjes.
Pas tërheqjes së Pandës, me short është caktuar një trupë e re e përbërë nga Sandër Simoni, në cilësinë e relatorit, si dhe gjyqtarët Sokol Binaj dhe Albana Boksi.
Dosja e Veliajt u rikthye për rishqyrtim në Gjykatën e Lartë pas vendimit të Gjykatës Kushtetuese të 25 majit, e cila me shumicë votash vendosi kthimin e çështjes për një shqyrtim të ri.
Kryebashkiaku i Tiranës ndodhet në paraburgim që prej 10 shkurtit 2025.
Ai dhe bashkëshortja e tij, Ajola Xoxa, janë nën hetim për korrupsion në nëntë raste, ndërsa ndaj Veliajt rëndojnë edhe akuzat për shpërdorim detyre dhe pastrim parash.
Tashmë, trupa e re e Gjykatës së Lartë pritet të shqyrtojë rekursin dhe të vendosë nëse masa e sigurisë “arrest në burg” do të mbetet në fuqi apo do të ndryshojë, duke shënuar një tjetër etapë të rëndësishme në procesin gjyqësor ndaj kryebashkiakut të Tiranës.
Discussion about this post