Ish-ministri i drejtësisë, Ylli Manjani, ka reaguar në lidhje me dorëheqjen e Drejtorit të Përgjithshëm të Policisë Gledis Nanos. Me anë të një postimi në Facebook, Manjani shkruan se nuk është Nano ai që ka dhënë dorëheqjen, por e ka shkarkuar Rama për tekat e tij. Sipas Manjanit, shkarkimi i kryepolicit është pa motivacion sipas ligjit, cka tregon se Policia e Shtetit është tërësisht e kontrolluar nga Rama.
“Zakonisht, kur del llafi në media që”filani dha dorëheqje”, ndërkohë që “filani” sdi gjë fare ose nuk flet vetë, dorëheqja e supozuar është shkarkim. Shkarkim pa shkak të dukshëm. Thjesht i është prishur terezia udhëheqësit.
Nuk e di, po mua kështu më ngjan kjo “dorëheqja e Gledis Nanos”… Do ta besoj vërtetë që ka dhënë dorëheqje kur ICiTAP, jo zonja Kim, të thotë një fjalë. Kjo e fundit dihet, mbështet çdo gjë që bën Rama. Për mua Gledis Nano po shkarkohet dhe spo e lënë të flasë. Në asnjë rast kjo nuk quhet “dorëheqje”. Është një shkarkim pa motivacion sipas ligjit. Gledis Nanon nuk e njoh e as e kam idenë ç’përfaqëson. Kisha krijuar idenë në distancë se është një drejtues qytetar, megjithë kritikat që i kemi bërë”, shkruan ai. Ndërsa deri më tani Policia e Shtetit i ka përgënjeshtruar lajmet për dorëheqjen e Nanos.
Discussion about this post