Ish-kryeministri Sali Berisha, në një konferencë për mediat ka dorëzuar 4200 formularët e firmosur nga delegatë demokratë, me kërkesën e përbashkët për thirrjen e Kuvendit Kombëtar në 11 dhjetor.
Ndarja në “frontë” Basha-Berisha është evidentuar edhe në këtë dalje të rradhës së Berishës që pas largimit të tij nga Partia Demokratike, nga kreu aktual i opozitës Lulzim Basha.
Në këtë konferencë ishte e pranishme dhe deputetja e PD-së Albana Vokshi, njëkohësisht dhe Kryetare e LDGSH.Vokshi disa ditë mëparë hodhi akuza ndaj Bashës se nuk i krijoi hapësirë të shprehej në mbledhjen e kryesisë të thirrur nga vet Lulzim Basha, të dielën që lamë pas.
Gjithashtu të pranishëm ishin dhe deputeti i PD Flamur Noka, deputeti Oert Bylykbashi, deputeti Edmond Spaho, ish-dekretari Arben Ristani, ish-deputeti Aldo Bumçi, ish-deputeti Klevis Balliu dhe ish-deputeti Kletis Kruja.
Discussion about this post