Dorëzohen të gjitha kutitë e votimit në Durrës, procesi i numërimit nis në 24.00.
Në Bashkinë Durrës janë dorëzuar të gjitha kutitë e votimit dhe materialeve zgjedhore, ndërsa procesi i numërimit do të kryhet në 4 KZAZ. Procesi i numërimit pritet të nis në orën 24.00. Pjesëmarrja ka qenë 26.27 %, mjaft e ulët për një bashki kaq të madhe. Në këtë bashki ka pasur disa tensione, ku një komisioner i PD në një qendër votimi në Durrës është qëlluar një militant i ‘Shtëpisë së Lirisë’ të Sali Berishës.
Dorëzohen të gjitha kutitë e votimit në Shkodër, numërimi pritet të nis në mesnatë.
Edhe në Bashkinë Shkodër janë dorëzuar të gjitha kutitë dhe materialet e votimit në 4 KZAZ që do të kryhet votimi. Procesi i numërimit pritet të nis pak para mesnatës. Në Shkodër kujtojmë se në 3 qendra votimi 2 në Shosh dhe 1 në Pult për shkak të motit të keq u anulua votimi. Dëbora e dendur pamundësoi dërgimin e materialeve zgjedhore e po ashtu as komisionerët nuk mundën të shkonin për të hapur procesin e votimit. Pjesëmarrja në votime ishte 29.11 %.
Dorëzohen të gjitha kutitë e votimit në Lushnje, në orën 23.00 pritet të nis procesi i numërimit.
Edhe në bashkinë Lushnje të gjitha kutitë e votimit tashmë kanë mbërritur në KZAZ nr.54 dhe 55 ndërsa pritet që në orën 23.00 të nis dhe procesi i numërimit. Numëruesit e PD dhe të koalicionit Berisha-Meta kanë sjellë dokumentacionin përkatës për numëruesit e tyre, ndërsa PD ende nuk i ka dorëzuar. Procesi i numërimit mendohet që të vijojë pa ndërprerje për të shpallur sa më shpejt rezultatin. Pjesëmarrja në votime në këtë bashki ishte 35.96 %.
Discussion about this post