Pas disa orësh tensione dhe dhunë në selinë e PD-së, pranë kësaj godine, ish-kryeministri Sali Berisha ka njoftuar mbylljen e protestës pasi dështoi të nxirrte Lulzim Bashën nga zyra e kreut të PD.
Në një prononcim për mediat, Berisha tha se sot u tregua fytyra e vërtetë e regjimit, ku dhe njëherë tjetër akuzoi i pashpresë Bashën se po bashkëpunon me Ramën. Mes të tjerash, ai paralajmëroi se nuk do të ndalen duke nënkuptuar që një protestë tjetër do të njoftohet së shpejti.
“Kjo protestë iu faktoi shqiptareve fytyrën e vërtetë të regjimit të sotëm. Ju faktoi në mënyrë përfundimtare se Edi Rama mban peng Lul Bravën dhe së bashku me të, me dhunë dhe terror, shtëpinë e PD-së. Ky përbën një akt të pashembullt në 30 vite. Përpjekjet për të shkuar në shtëpinë e lirisë, do të vazhdojnë deri në arritjen e qëllimit. Sot ne do të shpërndahemi. Do të kujdesemi që vëllezërit tanë dhe motrat e arrestuara. pasi janë vërsulur si bisha ndaj tyre për të mbushur komisariatet. Do të kujdesemi për të plagosurit, të cilët janë goditur me çarje koke dhe në forma të tjera. Do njofton shumë shpejt betejë tjetër të cilat nuk do të ndalen kurrë, deri në fitoren tonë”, tha Berisha.
Përkrahësit e Berishës shkaktuan kaos brenda selisë së PD duke rrezikuar dhe jetën e njerëzve, ku u desh ndërhyja e policisë që ata të shpërndahen dhe situata të qetësohet.
Discussion about this post