Pas retorikës së ashpër që ka përdorur herë pas herë dhe sulmeve të vazhdueshme në Kuvend por dhe në mënyrë indirekte, kryeministri Edi Rama mesa duket ka vendosë të njohë zyrtarisht Sali Berishën si kreun e Partisë Demokratike.
Ndonëse ka deklaruar vazhdimisht se nuk e njeh si kryetar të PD dhe se do të ndërpresë marrëdhëniet nëse Berisha rikthej në krye të partisë opozitare më të madhe në vend, në fakt kryeministri Rama duke se ka ndryshuar mendje.
Thënë kjo, pas postimi të sotëm në Twitter, ku Rama ka ndarë një status të Erion Veliajt i cili sulmonte Berishën dhe Metën pas komenteve për flamurin me yllin komunist në Sunny Hill duke thënë se “Uroj të luftoni me të njëjtin zell sekretarin e PPSH në krye të PD dhe sigurimsin aleat”. Në këtë mënyrë, Rama pranon zyrtarisht Berishën si kreun e PD.
“Nuk luftohet komunizmi me metoda komuniste! Kënga është një satire ndaj regjimit! @albannimani, dhëndër në Tiranë në një nga familjet më të përndjekura – e ka prodhuar para 8 viteve! Uroj të luftoni me të njëjtin zell sekretarin e PPSH në krye të PD dhe sigurimsin aleat!”– shkruhet në postim.
Pavarësisht se e konsideronte si të vdekur politikisht, Berisha ka qenë gjithmonë në qendër të fjalimeve të Ramës, duke e sulmuar vazhdimisht dhe duke treguar në të njëjtën kohë se ai do të mbetet kundërshtari i tij më i madh.
Discussion about this post