Dosja “5 D”, drejtoresha e Veliajt paraqitet në SPAK (Përgjimet)

Deborah Keçi është paraqitur në SPAK këtë të premte, për hetimet e dosjes së drejtorëve të Erion Veliajt, që përfitonin tendera me kompaninë e tyre “5D Kostruktion”.

Keçi ishte një nga nëntë të akuzuarit e operacionit të SPAK në Bashkinë e Tiranës, në kuadër të dosjes “5D”.

Drejtoresha e shumësportëshit të bardhebluve është aktualisht e pezulluar nga puna me vendim të Prokurorisë së Posaçme. Ajo akuzohet për “Shkelja e barazisë së pjesëmarrësve në tendera apo ankande publike”.

Sipas akuzës, ajo favorizoi në një procedurë prokurimi firmën “5 D”.

“Nga hetimet e kryera është provuar edhe fakti se shtetasja Deborah Keçi në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt”, sqaroi SPAK.

Sipas të njëjtave burime, “Deborah Keçi ka pasur komunikime direkte me shtetasin Nestor Muhamellari, administrator i shoqërisë ‘5D Konstruksion’ sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë ‘5D Konstruksion’ sh.p.k, duke i dhënë titullarit të autoritetit kontraktor Nestor Muhamellari user-at e anëtarëve të KVO-së“.

Përgjimet

Në dosjes e SPAK depozituar në GJKKO zbulohen dhe komunikimet e Keccit me Muhamellarit.

Nestori: Deborah duhet të më dërgosh urgjent kodet e 3 anëtarëve të KVO

Deborah: teuta.guri123456789, jetjon.mera123456789, reinaldo.glerazi123456789

Nestori: Më duhet dhe useri i atij që ka hedhur procedurën

Deborah: joana mullara sporti2020

Deborah: Do e bëni ju vlerësimin tani?

Nestori: Po po patjetër, nesër.

Por gjatë kohës që komunikon me mesazhet ne ëhatsapp, Keçi nuk e fsheh frikën për manipulimin që po bën. Me mesazhe, lutet që dokumentat të shihen me kujdes, duke thënë: “Vetëm aman shikojini tamam se mos ham ndonjë burg”.

Lexo edhe:

Nën akuzë nga SPAK – Drejtoresha e Veliajt reklamon jetën e luksit