Po mbahet sot seanca për dosjen “5D” në Gjykatën e Posaçme.
Muhamet Petriti ka dëshmuar në procesin hetimor të korrupsionit të drejtorëve të Bashkisë së Tiranë përmes kompanisë famëkeqe “5D”, në pronësi të ish-drejtorëve të bashkisë së Tiranës të cilët ndodhen në burg.
Petriti tregoi skemën si Alfred Qato e bëri “pronar” të “Vas konstruksion”.
“Unë kam një furrë buke në pronësi, herë pas here punoj aty. Kam 16 vite që punoj aty. Në vitin 2017-2018 me është ofruar një punë në “Vas konstruksion” si pronar. Alfred Qato më ofroi detyrën dhe më tha është kompani serioze. Ti s’do kesh përgjegjësi, se është një staf që punon aty. Unë i thashë “mirë, do ta bëj”.
M’u kërkua të hapja një numër llogarie për të tërhequr lekët që fitonte firma gjatë punëve të tyre. Lekët i merrja te banka dhe shkonin te arka e kompanisë. Alfred Qato nuk dija çfarë detyre kishte. Kur shitëm kompaninë 10 milionë lekë, lekët nuk kaluan në llogarinë time.
Në kompani nuk e njihja as stafin dhe s’kam qenë asnjëherë në zyrat e kompanisë. Me Mariglen Qaton jam takuar në 3 raste familjare. Redi Mollës e kam dëgjuar vetëm në televizor kur doli grupi “5D””, tha Petriti.
Discussion about this post