Erion Veliaj, Kryebashkiak i Tiranës, u shfaq në një intervistë televizive, duke shfajësuar veten nga akuzat e ish-zv.Kryeministrit Arben Ahmetaj, që e cilësoi Lali Erin si pronarin faktik të inceneratorit të Tiranës.
E ndërsa SPAK po heton lidhur me këtë aferë, ndërsa ka dyshime se do ti shkohet deri në fund hetimit, duke përfshirë edhe Kryebashkiakun, Belind Këlliçi, përmes një postimi në rrjetet sociale, paralajmëron se një tjetër skandal po shpërthen dhe ku pritet që Veliaj të jetë në qendër të tij.
“E paska një hall Veliaj pronari faktit i inceneratorit të Tiranës, që ka dalë tek Bollino TV, që është ngritur mbi një truall shkolle dhe që paguhet po nga inceneratorët! Mesa duket e kanë kapur ethet e dosjes 5D dhe grupit të whatsappit, ku kanë dalë hapur bisedat dhe pazaret e korrupsionit bashkiak. Kushedi çfarë do shohim e dëgjojmë deri në fund të muajit …”, shkruan Këlliçi, ish-deputet i PD-së dhe drejtues politik i kësaj partie për Tiranën.
Discussion about this post